Ministria e Jashtme e vendit konfirmoi se arsyeja e vdekjes për 6 persona ishin temperaturat e larta, por mbetet akoma e paqartë nëse ky ishte shkaku për vdekjet e tjera e për zhdukjet.
Jordania dhe Arabia Saudite po bashkëpunojnë me njërin tjetrin për të rregulluar varrimin apo transportimin e trupave sipas dëshirës së familjarëve të tyre.
Këshilla të shumta janë lëshuar përsa i përket temperaturave ekstreme nga Ministria e Shëndetësisë saudite, si hidratimi apo shmangia e qëndrimit në natyrë gjatë orareve të nxehta, kryesisht mes orës 11:00 dhe 15:00.
Forcat e sigurisë dhe mjekët u vendosën për të ndihmuar ata që u rrëzuan, ndërsa uji u spërkat në përpjekje për të ndihmuar në freskinë e njerëzve.
Shumë pelegrinë mbanin çadra për t’i mbrojtur ata nga dielli.
Shumica e ritualeve të haxhit mbahen jashtë me pak ose aspak hije.
Pelegrinazhi pesëditor i këtij viti ra gjatë verës përvëluese të Arabisë Saudite.
Rrëmuja, zjarret në tenda, nxehtësia dhe faktorë të tjerë kanë shkaktuar qindra vdekje në këtë ngjarje gjatë 30 viteve të fundit.
Të gjithë muslimanëve u kërkohet të bëjnë Haxhin një herë në jetën e tyre nëse janë të aftë fizikisht dhe financiarisht për ta bërë këtë.
Shumë muslimanë të pasur bëjnë pelegrinazhin më shumë se një herë.
Është një nga tubimet masive më të mëdha në botë, me më shumë se 1.8 milionë pelegrinë që pritet të marrin pjesë këtë vit.
Ai erdhi gjithashtu në sfondin e luftës shkatërruese Izrael-Hamas , e cila e ka shtyrë Lindjen e Mesme në prag të një konflikti rajonal.
Palestinezët në Rripin e Gazës nuk ishin në gjendje të udhëtonin në Mekë këtë vit për shkak të mbylljes së kalimit Rafah në maj, kur Izraeli shtriu ofensivën e tij tokësore në qytetin në kufi me Egjiptin.
